ناننگ، چین، 5 جنوری 2018ء/سن ہوا-ایشیانیٹ/– 28 دسمبر 2017ء کو چین-آسیان ایکسپوزیشن کے میزبان، صوبہ گوانگسی چوانگ خود مختار خطے کے شہر ناننگ، نے اپنی میٹرو لائن 2 کا آغاز کیا۔ نیا راستہ 2016ء میں شروع ہونے والی میٹرو لائن 1 کے ساتھ ایک انٹرچینج بھی رکھتا ہے، لائن 2 کا آغاز اشارہ کرتا ہے کہ ناننگ میٹرو اب باہم منسلک جال کی صورت اختیار کرچکی ہے اور شہر سفر کی سہولت کے نئے عہد میں داخل ہورہا ہے۔ ناننگ جنوب مغربی چینی خود مختار علاقے گوانگسی کا دارالحکومت ہے، اور ساتھ ہی گوانگسی کی سیاست، معیشت، ثقافت اور نقل و حمل کا مرکز بھی۔ ناننگ میٹرو کی لائن 1 اور لائن 2کے آغاز اور آپریشن نے گوانگسی کو نمایاں کیا ایک اقلیتی نسلی گروہ کے خود مختار خطے کے طور پر جو سب وے نظام رکھتا ہے۔
معلوم رہے کہ لائن 2 کے آغاز کے بعد ناننگ میٹرو اب 53.1 کلومیٹر راستے اور 43 اسٹیشن چلاتی ہے۔ لائن 1 اور لائن 2 کے درمیان منتقلی نہ صرف شہریوں کے لیے کہیں آسان ہے اور زمین کے اوپر موجود ٹریفک کےرش کو بھی کم کرتی ہے، بلکہ شہر میں کہیں زیادہ زندگی اور امید پیدا کرتی ہے۔ میٹرو لائن 2 کا افتتاح ناننگ کی سماجی و اقتصادی سطح میں مجموعی اضافے کی شہادت ہے اور عوامی نقل و حمل و شہری تعمیرات دونوں کو ترویج دے گا اور تیز کرے گا۔ نئي لائن خطے کے عام بین الاقوامی نقل و حمل کے مرکز اور ایک جدید اور ماحول دوست شہر بننے کے ناننگ کے ہدف کے لیے مددگار ہے، اور زیادہ تحفظ، زیادہ تعلق اور زیادہ خوشی کے مضبوط تر احساس کے ساتھ ایک شہر کو بنانے کے ترقیاتی ہدف کا بھی حصہ ہے۔ منصوبے کے مطابق مستقبل میں ناننگ میٹرو کا جال 184 اسٹیشنوں اور کل 252 کلومیٹر طوالت کی حامل آٹھ لائنوں پر مشتمل ہوگا۔
ناننگ کا شہر جنوبی چین، جنوب مغربی چین اور جنوب مشرقی ایشیا کے اقتصادی حلقوں کے ملاپ پر واقع ہے اور بیبو گلف اکانامک زون کا مرکز اور چین-آسیان ایکسپوزیشن کا مستقل میزبان ہے۔ غیر معمولی قدرتی حالات سے مالامال پورا ناننگ سال بھر سرسبز رہتا ہے اور اسی لیے اسے “سبز شہر” کہا جاتا ہے۔ 2016ء میں “اقوام متحدہ مسکن ایوارڈ” کے حامل کی حیثیت سے ناننگ کو وزارت تعمیرات و شہری دیہاتی ترقی کی جانب سے “قومی ماحول دوست باغت شہروں” کے پہلے مرحلے میں شامل کیا گیا تھا۔ دسمبر 2018ء میں 12 ویں چین بین الاقوامی باغات نمائش ناننگ میں ہوگی۔
ذریعہ: دی نیوز بیورو آف ناننگ میونسپل گورنمنٹ
تصویری منسلکات کے روابط:
http://asianetnews.net/view-attachment?attach-id=304130